Meitliriegereis am 30. Juni 2007
Met de öffentleche Verchehrsmettel esches ab of Gräniche. Det händ eus denn 2 Büss abholt ond of de Rütihof brocht. Ofem Programm esch en drü-stöndige Ufenthalt im Waldseilgarte gstande. Niemert het rächt gwösst, was eus erwartet, en gwössi Spannig esch z gspühre gsi. D Instruktorin Daniela het eus denn erklärt om was es goht. Jedi het Secherheitsgorte becho, en Helm ond Material zom sech sechere. Nachdem mer güebt händ, wie mer eus sälber secher müend, eschs denn ab of d Bäum gange. Mer het chönne oder besser gseit müesse, balanciere, vom einte Hendernis zom andere sprenge ond vell Muet ha, well dä Waldseilgarte esch ide Loft gsi, paar Meter öberem Bode, vo Baum zo Baum esches gange. Jedem sini Chnü händ chli gschlotteret, au bi de Leiterinne, Närvekitzel pur! Aber es het onheimlech Spass gmacht ond die drü Stond send omegange wie paar Minute. Das Gfühl chamer ned erkläre, das muess mer eifach erläbe. Nach dem spannende Ufenthalt händ mer eus zfrede of en chorzi Wanderig begäh, händ onderwägs no brötlet ond send weder hei of Böze. A derä Stell goht es grosses Dankeschön ad Patrizia, wo die Reis organisiert het, es esch en onvergässleche Tag gsi!
Einigi Idröck vo eusne Meitli:
„Es esch meeega loschtig gsi i däm Chlätterpark, wels mängisch i dä höchere Stufe mega gföhrlich usgeseh het au wenns de ned so gsi esch. Es het mega Spass gmacht.“ (Ladina)
„Ich fand es gut, dass es verschiedene Schwierigkeitsstufen gab. Es war die schönste Jugireise.“ (Regina)
„Es war lustig. Ich fand es gut, dass man so gut gesichert war. Und das es in 5 Schwierigkeitsstufen eingeteilt wurde.“ (Jessica)
Es war lustig, doch wir konnten nicht alle Posten machen, weil die Kleinen bei Nr. 1+2 nicht so schnell waren.“ (Melanie und Fabienne)
„De Seilpark esch meega toll gsi. Es esch es schöns Erlebnis gsi. So höch obe z’si ond nor amene Seil agmacht si het eim chöne Angscht mache, aber ich glaube alli hend die Parcours guet gmeischteret.
Au bem Brötle nochhert esches loschtig gsi. Em Gsamte het mer d’Jugireis sehr guet gfalle.“ (Dominique)
„Hat uns gefallen! Das von Baum zu Baum schwingen, die Höhe, den Adrenalinschub, das Grillieren, das Wetter…. einfach alles!“ (Hana und Matea)
„Es ist sehr cool gewesen auf der Mädchenriegereise. Mir hat es gut gefallen. Das einzige was dumm gewesen ist, dass auf manchen Kletterbahnen erst ab 12 war. Ich bin 11 ½ J“ (Fee)