Rothristercup 28.08.2010
Am Samschtig de 28.8.10 hämmr öis am morge i de tornhalle troffe um öis i häxli-zauberlehrling z verwandle. Mer händ öis gschmenkt ond gfrisiert för de hötig Wettkampftag. Wo denn bi allne d wälle ond die grosse büsch gsässe händ semmr los nach Rothrist gfahre. Kalts ond wendigs wätter het öis net grad agnehm begrüesst. Mer händ öis es Plätzli met emene Dach öber em Chopf gsuecht ond send grad go itorne. D Alex het öis nomol of öisi Zauberlehrlingsüebig igstemmt ond mer händ öis de „Märt in Istanbul“ vorgstellt. Alles glänzt ond gletzert wenn die chline Zauberlehrling s erschte mol is Zauberhuus innechöme. Nach em itorne häm mer scho dütlech wärmer gha ond mer händ öisi schöne Dress algleit. Nachdem Kamera installiert gsi isch is met em erschte Uftrett losgange. S Fazit: Jo ned schlächt, es bezeli es rotschigs Fäld ond mer chöne nomeh ge, das het öisi erschti Note es 9.72 ergeh. En sehr en guete Start. För die „Ätere“-die wo scho länger de bi send isches scho grad met em Reif i de Finalrundi witer gange. Die andere händ vo de Triböni us zuegluegt ond metgfieberet. Die wondrbari Presentation het d Note 9.48 geh.
Iez hämmr zerscht mol Pause gha, öises Zmettagässe gässe ond de andere Torner zuegleugt. D Alex het öis die gueti Nachrecht brocht das mer met em Zauberlehrling im Final send das het öis natürlech gfröit ond mer händ nomol alles welle geh. Chorz bevor mer den dra cho send hets natürlech afo rägne ond mer-(Regula) händ de Petrus verfluecht. Abr mer sends öis jo gwönnt gsi em räge z torne. Allso häm mer öisi die Räge ond i öisi Üebig gschtörzt ond es esch super gloffe.
Denn isch d Sunne wedr vöre cho ond mer send nach em dusche as Rangverlässe. Yeah 1.Platz met em Zauberlehrling ond Note 9.84. Yupiii 2.Platz met em Reif. Met öisere „Perle“ häm mer no chli Stemmig gmacht ond den sem mer met emene grosse Hupkonzert hei gfahre. En glongnoige Tag ischs em Ändi zuegange.
Fabienne