Trainingsweekend in Churwalden 22.-24. August 2008
Am Fritig am 7ni eschs losgange zom 4 Mal esch d’Gymnastikgroppe is Trainingsweekend of Churwalde gfahre. Wo mer dete öppe am 21.30 aacho send hämmer d Bett bezoge ond händ aagfange eusi Reif neu Izbende, was au langsam weder mol nötig gsi esch.
Am Samstig am Morge chorz nach em 7ni het för euis de Tag bemene feine z’Morge aagfange ond denne eschs au scho glii as trainiere gange. S Thema vo euisem Trainingsweekend esch öbrigens gsii: Alles echli…. Einisch eschs om d Spröng gange denne esch alles verchert gsi und so wiiter….
Am obe hämmers nömme probiert met Rodle, sondern mer händ euis dörfe entspanne, be Massagene, Gsechtsmaskene ond Fuessbäder, wo d Raffaela ond d Sahra organisiert händ.
Am nöchste Morge eschs wiitergange met em Training ond d Julia esch au no zu euis gstosse. Au höt hämmer velli Sache perfektioniert, d Synchronität güebt ond alles nomol of Video uufgnoh.
Öber de Nomitag hämmer denn alles putzt, iipackt ond d Autos Reisefertig gmacht dasmer grad nach em Training rechtig Bözen händ chönne abfahre. Aber befors rechtig Hei gange esch, esch nomol training aagseit gsi, ned i oisem normale torner Outfit sondern mol inere Grosi Kluft. Mer händ denne au ned wörkli elegant müsse si sondern eher echli zerbrechlech ond eifach alt. Nach dere Grosi Modeschau esches denn aber endgöltig sowiit gsi, mer händ euisi Autos belade ond send glii nachhär z Böze aacho, dasmol aber ohni Panne:).