Rothristercup 30. August 2008
De Tag vom Rothrister-Cup 2008 het am Morge am 10:20 mit schminke und frisiere i de Gardarobe vo de Tornhalle agfange. Alli sind relativ monter gsi und parat widermol en Wettkampf ztorne. Am Ziel acho hämmer ois grad mol es Bivack im Schatte gsuecht und gmüetlich alles igrechtet, den esch „Einturnen und Formationstraining“ ufem Plan gstande.
13:48 Uhr simmer den scho als Kobolde ufem Fäld gstande und 14:48 hämmer oisi Reifüebig zeigt. Bim aschlüssende Mittagesse hämmer gspannt druf gwartet, ob mir am Final döfed teilneh, wel alli sind sich einig gsi, dass mir no meh chönd geh und nomol wänd zeige, was mir i de letste Training alles erreicht händ.
Und den „Juhuuii“ zwoimol im Final.
Beidesmol ischs ois besser gloffe und mir händ zfride chönne vom Platz laufe. Alli Finalteilnehmer sind den uf de Wiese ghocket und händ uf de grossi Moment gwartet. „WOW“ mir händs ned chönne glaube wo verköndet worde isch, dass mir mitem Kobold de 1.Rang beleit händ, mir sind öberglöcklich gsi! Den grad nomol en schöni Nochricht, mitem Reif simmer 2. platziert. Das esch wörklich en Erfolg!
Mit Music und gueter Lune hämmer den en ganzi Frauegardarobe bsetzt und oisi verdienti Duschi gnosse.
Nachem obligatorische Hupkonzert bi de Heifahrt uf Böze, händ den en grosse Teil vo ois, de Tag im Frohsinn bi feinem Ässe loh usklinge.