KMV in Gränichen 1. Juni 2008
Bereit för dKMV hämer eus am 08.30 i de Tornhalle troffe. Nach langer bastelei a eusne Frisure und eusere Schmenki hämer euses Zügs packt und send nach Gränichen gfahre. Döt acho hämer eus es super Bivack gsuecht womer eusi Täschene händ chöne platziere. Grad näbedra hämer euse iturnplatz gha, de ghört euse!!=) naja mer händen natürlech scho met de andere torner teilt!! Nachemene Zytli hämer eus of de erschti Wettkampf „Kobolde“ vorbereitet!! Mer händ eus rechtig de Heime gfühlt da mer die ganz Üebig rechtig Wald händ döfe Torne!! ;-) Es esch eigentli rächt guet gange doch es het emmer noch Sache gha die mer hätte chöne besser mache!!! Doch es het uf dNote 9.63 glängt! Und onvorstellbar mer händ sogar Oberrüti gschlage!!! So semer is Final cho wer häti das dänkt!! Mer händ eus mega gfreut!! Jetzt hämer nachtürlech euse zwoiti Üebig „Reif“ au super müesse torne! S’wätter hets au guet met eus gmeint, denn emmer chorz bevor en Wurf cho esch hets ufghört Wende!!! Dbühni hämer met gmeschte Gfühl verloh!! Leider hämer met de Note 9.37 knapp de 1 Rang verpasst. Doch met em „Kobolde“ was mer jo no es 2mol händ döfe zeige, hämers onglaubleche gschaft, mer send Aargauermeischter worde!! Eus het mer nor no gseh ome gombe und schreie!! Met tatütata semmer den of Böze gfahre und allne onder wägs hämer no gschrowe mer send Argauermeischter scha la la la la!! In Böze acho hämmer euse Sieg natürlech nochli gfiiret und allne Autos wo a eus verbigfahre send hämer en Welle gsponseret!!
Fabienne und Isabel