Gym-Day in Grosswangen 24. Mai 2008
Mer händ zum erste Mol am Gym Day in Grosswange teilgnoh. Und es het sech glohnt.
Mer händ jedi Üebig 2 Mol chönne vor Publikum und vor Kampfrichter zeige, das get echli Wettkampfroutine. Mer händ super Resultat erziehlt. Met em Reif hämmer d’Note 9,52 und 9,45 erreicht. Und met de Kobolde (ohni Handgrät) 9,62 und 9,56. Bi de Kobolde het’s zum erste Platz glänget und bim Reif zum 2. Rang.
Mer händ denne euisi 2 super Resultat bi toller Musig im Festzält chönne fiire! D’Müedigkeit i de Bei vo dem stränge Tag esch denne aber bald über euis cho. Z’frede met dem schöne Tag, semmer denne zrogg in Aargau gfahre!
Gym Day Grosswange, mer chömed weder!