Kantonale Meisterschaften in Wettingen 3. Juni 2007
Am Sonntig de 3. Juni het Gymnastikgruppe a de Kantonale Meisterschaft in Wettige teilgnoh.
Gstafflet hämer eus am Morge i de Tornhalle Böze troffe om eus z’Schmenke ond z’Frisiere. Am halbi 10ni semmer met de Autos of Wettige gfahre. Döt acho hämmer eus es geeignets Bivack gsuecht ond send denn go iturne. Am 11.18 hämmer de erscht Wettkampf met em Reif gha. Do hets en Note vo 9,34 geh.
En Stond spöter händ die ältere de zwoiti Wettkampf ohni Handgrät (Troja) gha. Si prillierte met de Note 9,60, so send si an zwoiter Stell is Final cho. Met em Reif hämmers of de 5. Platz gschafft.
Nach de Vorrondi semmer zämeghocket ond händ z’Mettag gässe. Am 2i händ sech Trojanerinne för de Wettkampf barat gmacht, ond mer händ eus en Platz of de Tribüni gsuecht.
Am viertel vor 3 esches den äntli los gange. Si händ eri Vorfüehrig bestrette. Leider eschs ene ned so glöckt nache erne Usage, doch Zueschauer händs toll gfonde. Nache erne „Messgscheck“ händs gmeint si seige ofem 3. Platz! Doch mer händ fescht a si glaubt.
Nachane hämmer de andere Vereine bim torne zuegluegt. Am 5i hets Rangverläse agfange, alli send gspannt gsi. Schlossändlech send Trojannerinne of de 2. Platz cho und si/mer händ mega freud gha.
Nach de Röckkehr of Böze, hämmer de gsponserete Apéro gnosse ond bim gmeinsame z’Nachtässe de Tag loh usklenge!
Mer danked ganz härzlech de folgende Persone:
Für de Apero: Verena Erb, Susi und Hansueli Brändli, Annemarie und Rolf Berner
Fürs feine und schnell zuebereitete Ässe: im Getti und em Hausi vom Restaurant Bäre
All eusne Fans wo eus so luutstarch vo de Tribüne us unterstützt händ!