Gym Cup in Reiden 20.05.2007
Am Sonntig am 20. Mai het d’Gymnastikgruppe am Gym Cup in Reide teilgnoh. Am Morge früe am viertel for sibni hämmer eus mit Sack und Pack bi de Gnossi troffe. Denn esches met es paar Autos los gange Richtig Reide.
Nachem gmeinsame iturne isches für die ältere au scho langsam ernscht worde. Am 9i sind si met em Troja dra cho. Nachere super Vorfüerig met de Note 9.57 hämer eus nomol chli ufgwärmt und denn für eusi Reif-Üebig parat gmacht. Am 10i hämmer denn die Üebig auno vorzeigt und d’Note 9.23 defür übercho.
Jetzt hets warte agfange: semmer im Final oder ned? Mer händs eus im Schatte gmüetlich gmacht, echli gschlofe, öppis g’ässe und de andere bim Turne zuegluegt.
Am 1 am Nomitag hämmer denn vernoh: Mer sind im Final und zwar met beidne Üebige!!! S’Troja isch nämlich ufem 3. und de Reif ufem 5. Platz gsi.
Im Final hets denn sogar no glängt met de Reif-Üebig nomol en Platz z’günne. Mer send somit 3. und 4. worde!
Z’fride mit eusne Leischtige semmer nachem Rangverläse wider zrug uf Böze greist.
Regula