• News
• Agenda
• Galerie
• Anlässe
• Vermietung
• Gästebuch
• Links

Anzahl Besucher

seit 21.09.2002:

 

• Gymnastikgruppe
• Damenriege
• Frauenturnverein
• Meitliriege

Trainingsweekend in Churwalden 26.-28.08.2008

Fritig, 26.08.05

Met 3 vollpackte Autos hämmer eus am spötere Obe uf de Wäg nach Churwalde gmacht. Stau (de Ralf heisst ned wörkli Ralf) - chorze Halt im Heidiland – ond scho semmer im gmüetleche, mehrstöckige Lagerhuus acho. S'Gscherr hämmer gfasst, d'Zemmer bezoge on scho die erschte Ufgabe zom Motto: "Kännelehre" zueteilt becho. Es wird sogar en Malwettbewerb gstartet (Cinderella-Schueh?). Gäg die 12-i send de aber all langsam is Bett, denn es send zwoi astrengendi Täg vo eus gläge…

Samschtig, 27.8.05

Doch im Zemmer vo de Schneerose (Raffa, Jase, Diz, Sarah & Katlä) esch de Wecker scho am 6.40 Uhr losgange.....mer händ jo net welle z`spot cho ?!!!
Nachem zmörgele esch förs Chuchiteam 1 de Abwasch parat gstande ond s`Chuchiteam 2 esch met de Alex in Früähsport gstartet.
Am 9.00 Uhr hets denn för alli gheisse ab id Turnhalle. S`Thema vom Samschtig esch gsi: „Kännelerne“. Am Morge hämmers Schwergwecht Troja (neui o. Hg.) gha. Zwoiehalbstond spöter het sich s`Chuchiteam 2 as Mettagässe gmacht. Uf de Menucharte esch: Suppe, Salat & Gmüesweihe gstande.
Am Nomittag hämmer no am Evo gfielet & s`Chrafttraining het eus so usegforderet, dass mer bim „chline Wanderer“ (en Entspannigsüebig) fascht igschlofe send.
Euses Rodelerläbniss am Obe esch wegem Sumpfbieber (Frau an der Kasse) & wegem Räge leider voll us dä Korve gfloge & uf Awisig vo dem charmante (???) Bergmändli semer halt weder met dem tüüre Bähndli abegfahre. De Sumpfbieber het eus denn no nätterwies so total verblödeti Jahresgutschin (ideals Geburigschänk ?) adreit. Nach dem tolle Start in Obe semmer halt weder zrogg is eusi Unterkonft go Troja luege, wo eus zo eusere neue üebig rächt inspiriert het. Mer danke a dere Stell au de Sarah & de Ditz för diä feine Schoggi-Banane wos zom Dessert gä het. Es paar send scho bem Felm luege igschlofe ond so hämmer de Litchi leider au nömme möge trenke. Wo de Felm denn fertig gsi esch, hämer no alles abgrumt & send denn alli go schlofe.

Sonntag, 28.8.05

Höt send alli net so früäh, erscht am 6.50 Uhr ufgstande. Mer händ nämlech müässe eusi Zemmerli, Bad, Duschene, Ufenthaltsruum & d`Chochi ufrume. Nachdem eusi Zemmer weder so schön glänzt händ, wie mer se aträtte händ, hets weder mol för alli gheisse ab id Tornhalle. Höt het euses Thema“Weltreis“ gheisse. Mer händ i jedem Land öbis gmacht. I de Dominikanische hämer euse Höftschwong güebt, in Jamaika semmer schnell go dehne, vo Florida bes in Welde Weschte hämer eusi Sprongtechnik verbesseret ond denn semer schliesslech no uf Rumänien zo de Vampir ond somet zo eusere Küleüebig öbere gange. Zom Abschloss vom Training hämer no es asträngends Krafttraining dorezoge, so dass mer bem „chline Wanderer“ gar ned händ chönne ischlofe, well mer so gschnufet händ ?!!! Nachdem mer denn duschet händ & eusi 7 Sache zämepackt händ, hämer eus uf d`Heireis gmacht. Womer denn nachere lange, aber trotzdem loschtige Fahrt in Bözen acho send, händ sech eusi Wäge trennt ond es send alli weder i eri eignige Bett go schlofe!!!