Schweizermeisterschaften in Lyss 13.+14.09.2003
Die Büsiverwandlung
Demet mer s'Cats au rechtig chöne mache, hämmer ois z'Böze zerscht müesse als Büsis verwandle. D'Alex het gschmenkt ond Diz esch oise Büsi-Coiffeur gsi. Als Mönsche semmer ed Tornhalle ine ond als Büsi semmer use cho. Nachdem mer ede Tornhalle auno oises Glichgwecht of vorderma broch gha händ, het d'Fahrt nach Lyss chöne los go.
Katzen auf der Autobahn?
Das händ sech vell Autofahrer gfrogt ond dorom händs met ois extra "öberholerlis" gspelt. Do wär no zerwähne: Wer ois uslacht, de weiss wa passiert! Gäll Raffaela!!!! Do Büsi kei Autobahnerfahrig händ, hämmer ois prompt verfahre, aber mer händ den Lyss no rechtzitig erreicht.
(Julia und Jasmin)
Wettkampf
Um 14.00 Uhr in Lyss angekommen, fing auch schon gleich das Einturnen an. Trotz der grossen Anstrengungen waren wir alle sehr motiviert. Um ca. 15.00 Uhr montierten wir zum letzen Mal unsere Cats Dress. Nach einigen Konzentrations- und Dehnungsübungen waren wir bereit, unsere Show ein letztes Mal zu zeigen. Der Wettkampf verlief sehr gut. Wir zeigten dem Publikum noch mal richtig, dass wir es drauf hatten. Dementsprechend gut fiel unsere Note aus, mit der wir sehr zufrieden waren. Wir erreichten mit 9.26 den 5. Rang und erhielten sogar noch eine Auszeichnung. Natürlich wurde dann unter der Dusche gebührend gefeiert!
(Sabi, Sybille, Dane)
Abend
Zom z Nacht hets en Spaghetti-Plausch geh: veli verschedeni Sauce ond Salat! Nach em feine "Schmaus" semmer denn äntli go dusche! Mer händ dänkt, es wird gemütlich, aber denkste!!!: s Wasser isch iischalt gsie, d Manne aber omso heisser!!(nochane met Chleider ämel scho!!)
Denn es wiiter gange zo "eusere" Tornhalle wo mer als Schlofglegeheit händ döffe notze! Z erscht hämmer en Rondi müesse blose ( eusi Loftmatratze) : ! Es esch denn au scho gli wiiter gange, nämli zrogg zom Feschtzält met vier private Füehrer. Im Feschtzält, hämer denn au scho afo tanze, wie die Gschtörte (Elefante)- was dezue gfüehrt het, dass mer mega gschwetzt händ! Denn es au scho ab ad Bar gange, wo mer eus die nötigi Flössigkeit zuegfüegt händ!!
Adere Stell wämmer aber d Mannegschechte ned erwähne!!
Am 24 Uhr hämmer denn de Raffaela ehre Gebortstag gfiiret (sie lebe hoch).
Die erschte send müed gsi, die zwoite no müeder ond die dritte send nömm ganz bes is Bett cho!!
Es paar händ denn ned chönne schlofe, well eso es paar super Tolli gschnarchet händ wie Motore! D Sarah ond d Raffaela händ denn versuecht eine z "beseitige" aber es het ned wörkli klappt! Dank em Alex siner Methode, hämmer doch no chönne d Auge för zwoi drüü Stöndli zuetue!
(Raffaela, Tanja, Sandra)
Sonntag
So jetzt esch d'Party verbi. Alli send no müed vom Samschtig, aber jede freut sech jetzt scho of de McDonalds, McDonalds Kentucky fried chicken in the pizza hut... S'Final het scho agfange, aber de Astorm vo Zueschauer loht z'wünsche übrig. Über de Mittag im Mc Donalds mues jede zemlech lang astoh bes er sis z'Ässe öberchonnt. Aber jetzt händ alli, nor da met de Röhrli klappet nonig so guet. Also jetzt gömer no go d'Elvis vo Mels met erem Barre go luege. Die send als letschti dra gsi und mer packed euses Züg zäme ond gönd hei. S'Melchfähnli ned vergässe...Vo de Heifahrt hani nüt metöberbecho, ich ha nämlech gschlofe. Aber s'Hupkonzert z'Böze esch Hammer gsi.
(Irene)