NWS in Muttenz 19. Oktober 2003
Fahrt und Iturne
Am viertel ab 10 hämer eus bem Volg trofe. Den semer nach vollzähligem Erschine nach Muttenz düst, obwohl die einte de Weg nach Züri igschlage händ, hämer doch alli de Weg nach Muttenz gfonde. Acho in Muttenz hämer die vier wo zu zweit tornt hänt fliessig agspornt. Nach de Verpflegig hämer eus scho müesse berat mache zum Itrune.
Nachdem Diz eri Wasserfläsche verlore hed und Pippi-Station ufgsuecht hed semer natürlich scho 5 Stochwerk med em Lift id Erde gfahre zu de Iturnhalle. Als Diz weder do gsi esch hämer medem Iturne chöne fortfahre. Nachem gmeinsame Iturne hämer eus nattüli of euse Wettkampf vorbereitet.
(Sybille, Sandra, Sabrina, Jasmin)
Wettkampf
För vier vo ois (Julia, Sarah, Tanja, Sugu) het's scho am elfi gheisse zittere. Sie händ ebe Gymnastik zu Zweit met Ball gmacht.
De Wettkampf esch ne glonge ond sie händ zfrede öber d'Note glächlet:
Pfister/Steinmann: 8.81
Steinmann/Wächter: 8.90
"Alles geh" het's denn för die ganz Groppe am 14.00 gheisse. Als Indianer mit Ball hämmer anschienend brilliert, dass de Spiker het müesse erwähne, dass es ofem Bözberg aber kei Indianerreservat get.
(Julia, Tanja, Sarah)
Rangverläse + Heifahrt
Lang lang hämmer müesse warte; send fasch verstekt, händ ned gwösst wo ane ond händ denn sogar no of d Ranglischte müesse warte. Aber dor popigi Musig esch d Zit verwiilt. Womer denn gwösst händ as Brislach 3. esch, esch öis klar gsi, das mer wedermol 2. send. För d Katja, öisi Neuzuezögerin esch da en volle Erfolg gsi. Vorem go hämer denn öises Tanzbei nomol gschwonge ond no einisch s "Nezöb" gmacht. Bede Heifahrt het denn natürli öises tradtionelle Hubkonzärt ä ned döffe fähle.
(Katja, Patrizia, Raffaela, Daniela)