Turnfahrt 17. + 18. September 2011
Auf den Spuren des Schellen Ursli

Grüezi mitenand! Min Name isch Orange… Vodka Orange. Ich möchte eu gern Gschecht verzelle vo minere Wanderig mit de Dameriege Bözen. Agfange häts am Fritig 16.9. Jessi isch mich und min damalige Fründ Vodka Orange 2 cho abhole in Coop. Sie hät gseit sie wör eus gern debi ha, damit sie mit ihrne Wanderkompaninne eis cha näh! Am Obe hät sie eus denn tatsächlich ii ehre überfüllte Rucksack packt, VO2 rechts und ich links usse, und eus denn alleigloh. I dere Ziit hämereus mit de Shotgläsli us Australie unterhalte…
Am nächste Morge früeh simer dur es rüttle und schüttle ufgweckt worde und plötzlich simer mit es paar huufe schnatter Wiiber im Bus unterwegs gsi. Haiaiai, wie chamer am Morgefrüeh scho so talkaktiv sii…
In Züri sind sogar no zwoi Mädels dezuecho. Aso det benimer scho sicher gsi en Wanderig mit 11 so tolle Bözerinne, da cha nume guet cho. Und so esches au gsi…
Im Zug sind d’Mädels mit emene feine Znüni überrascht worde. Zöpfli vo de Julia und leckeriii Schoggi vo de Sugu, Multivitamin und für min Fründ „Weisswein“ ischd Reis leider scho zu Ende gange. Nach es Paar schwerige Froge vo de Julia isch denn schnell und schmerzlos entschiede worde wer die cheibe Holzschittli bis zu de Brötlistell uftreit. Huiiii händ die Mädels sich drüber gfreut hihihi. :-P
In Guarda acho isch es losgange mit wandere oder sölli lieber bergstiege säge, aso i ha echt gmeint ich flüge us dem Rucksack usse. Aber schnuffe vo de Turnerinne hätmer denn schochli meh afo sorge mache. Nachemene astrengende Start hämer denn aber Guarda dörfe bewundere. Eifach es prachtvolls Plätzli die Schwiiz. Imene schöne Restaurant händs ehre Durst gstillt und sich denn wiiter uf de Weg zu de Füürstell gmachg. Guarda, they will be back soon!
Natürli isches au do stiigendi Aglegeheit gsi, aber die chnurrende Büch händ eifach nur no welle acho. De Füürgott Babse hät eus prächtigs Füür zauberet und endli sind die Holzschittli weg cho. D’Jessi hät Chips als Aperöli offeriert (die esch au froh gsi um alles wo sie hät chöne loswerde) und gli drufabe hät Babse de Kolleg „Rotwein“ uspackt. Dene Mädels isches rechtig guet gange und aus Wetter isch herrlich gsi. Für mich halt scho fasch echli zu heiss! Das hät aber d’Bözerinne nid abghalte gnadelos min Fründ VO2 ztrinke. Aso isch mini Reis allei wiitergange, aso fasch allei, min neue Nachbar de „Waterbottle“ hät nämli en Ehreplatz brucht. So oft wie die brucht worde isch, aber klar wenn dWanderig zur Alp Suott keis Kinderspiel isch. Es hät wörkli so tönt als wäre es paar an ehri Grenze cho. Jaso ich hans bequem gha… uf jede fall hämer aber kein Stop gmacht well eus s‘ Unwetter zemli ufem Nacke glääge isch. Zielstrebig händs also die 1 1/2h-Wanderig bis zu de Unterkunft Alp Tuoi uf sich gnoh und sind knapp vorem Rege det acho. Einigi chli schneller, anderi chli weniger schnell, aso i ha hinter mir emel niemer meh gseh :-P.
De Ufenthalt hani halt nur usem Regal chöne mit verfolge, aber es paar Sache hani natürli scho mitbecho. Nach de iiiiiskaalte Reinung händ sich Turnerinne mit warme Schoggi oder sonstigem ufgwärmt. Müdigkeit hät schnell igschlage so au de Hunger. Nachem feine zNacht händ sich Mädels mit Kartespiel (Arschlöchle) und Würfelspiel beschäftigt. I ha gwartet bis sie mich hole aber… scho bald sind denn nach und nach die müede Mädels im Zimmer itruddelt und sind go pfuuse. Wörkli gschlofe hani nid, da ich dem schöne Schnarchkonzert ha dörfe zuelose und so Schlafgspröch wie „Grüezi, mir sind Wandergruppe Steinmann“!
Am Sonntig isches denn Talabwärts gange. Zmorge händs gha, Blasenpflaster montiert, Rucksäck packt und ich han au wieder mis Plätzli gha. Aber denn isches plötzlich dunkel wurde… ha dWeltnümverstande… bis mer denn klar worde isch dases regnet und alli ehri Regeschütz über d’Rucksäck gstülpt händ. Ja das hämer wörkli chöne bruche, denn nach de Wanderig uf Lavine abe isch eifach alles nass gsi. Bis de Zug cho isch händ sich d’Mädels warm agleit und im Zug den spontan entschiede, dass sie so nass wie sie sind nüme wend is schöne Bad Ragaz go bädele, sondern eifach nume no go esse was aber au nid so eifach gsi isch, aber zu dem spöter…
Tatsächlich händ sich mich denn nomol före gno, aber haiaiaiaiiii eifach mit Tee gmischt. Was für en Frechheit!!! Aber anschiinend ischer gar nid so schlecht. In Bad Ragaz häts in Ströme gregnet und dSuechi nachemene Restaurant isch los gange. Nachemene chline Marsch durch de Rege und emene misslungene Versuech imene Resti mit viel alte Lüüt, hämer denn endli es schöns Plätzli gfunde und Wirtin grad echli überrumpelt… Luut dem woni aber ghört ha muesses sehr fein gsi si. Nachem zMittagesse isches denn Richtig Heime gange. Unterwegs händ d’Sarah, d’Sonja und d’Jessi tatsächlich nochli es Shötli gnoh, aber trotz wiitere Überredigsversüech mich ztrinke hanis bis zrugg uf Zeihe gschafft (woni bis hütno warte trunke zwerde).
Dameriege Bözen esch erschöpft aber häppi in Böze acho. Danke vielmol Julia fürs Organisiere und danke das d’Mädels wiedermol JEDE Muskel a ehrem Körper händ dörfe gspüre!!!

Bis zum nächste Mol
Euche Vodka Orange (alias Jessi)