Skiweekend 2006
Am letschte Samstig esch z’Böze scho früeh öppis los gsi. D’Lüüt vom Turnverein und vo de Dameriege send vollbepackt und nochli müed zu de Hüser uscho und Rechtig Volg glofe, wo de Luxus- Car auch scho parat gstande esch. Wo mer alles iiglade händ, esches denne au scho uf Münsinge los gange, wo de Kafihalt stattgfunde het. Die Autobahnraststätt esch zu allne Nöht gheit, wo mer cho send. Einigi händ sogar am Chindertischli ehres Sandwich müesse ässe, während Anderi die ganz Ziit met Aastoh för es Brötli verbrocht händ!
De zwoiti Teil vo euisere Fahrt esch cheibe glatt gsi. De Reto het als Einzige dra dänkt, das mer i dem Car chönne CD’s lose und DVD luege! So het euis de Mittermeier d’Fahrt echli verchürzt. Ich säge nur pfitzzzzzzzzzzzzzz.
Z’Grindelwald aacho, hämmer scho euisi Unterkunft chönne bezieh und denne esch es äntli ab in Schnee gange. Bes am zwoi am Nomitag hämmer guets Wätter gha und denne hets LEIDER Näbel ghä. So hämmer halt scho in Après Ski MÜESSE. Das esch aber ebe gar ned eso liecht gsi die Bar z’fende, gäll Karin, Raffa, Chrigi, Jase? Die 4 händ sech nämmli bös verfahre und händ scho fascht um ehres Läbe bangt!!!!
Bes am Schluss händ aber alli D’Pumukel- Bar gfonde. Well die Bar eso UFGSTELLTS Barpersonal gha het, hämmer 2-3 Drinks und no es paar Hula Hula- Shots gno. Bi de Talabfahrt händ einigi scho ehri ganzi Konzentration müesse vörenäh, demet sie no heil is Dorf abe cho send. Öpper het no müesse merke, das Ski uf em Teer ned eso guet fahre!!!!
S z’Nacht hämmer imene super noble Restaurant iigno! Thömi es esch es super z’Nacht gsi, aber falls mer weder emol uf Grindi is Skiweeekend gönd muesch glaub en anders Restaurant sueche, die wänd euis nömme!!!!
Nodigsnoh send denne alli go dusche! Und händ sech denne i die chlinsti Bar met de meischte Lüüt uf Erde prässt. Aber warm hämmer ämel gha oder euis ghä!!!!
De Abschluss vom Obig händ die wo no händ möge oder nüüt anders vorgha händ inere Disco verbrocht! D’Musig esch super gsi, aber Einigi hets rächt gstört, das Mineral 6.50 sFr. Kostet het, dorom händs halt Anders müesse trinke.
Wo’s scho weder taget het, händ denne alli ehri Bettli nach einige Umwäge im Masseschlag gfonde. (Oder ämel secher eis wo’s händ chönne zuelegge!)
De Sonntig esch schnäll verzellt. 15 cm Neuschnee, super Wätter und es paar trümmligi Chöpf. Jede esch nochli Ski oder Snowboard gfahre, je nach dem wie er no het möge und denne hämmer euis au scho weder uf de Heiwäg welle mache. Mer send denne no schnell met em Gsetz in Kollision cho, aber de Thömi het das Vize-Präsidentlech greglet.
Thömi, merci vell Mol förs Organisiere vo dem super Skiweekend. Mer freuie euis alli scho ufs Nächste!
Es paar Sprüchli vom Weekend:
Allzeit bereit……. (gäll Nodle)
Ou yeah ……
Pfitzzzzzzzzzzz ……….
Ääääääähhh…….Vor ihnen hätte ich keine Angst, üben sie…….
Sandro, ich well dech jetzt aamache……
Sandro, bes echli nätt zu euis…..
Braune Tüte…….
Ich hätti no gärn zwoi Hulu- Hulu- Shots ………
Matthias, please…….
Skiweekend, Usland und Turnfest zählt ned …….