Regionalturnfest Schenkenbergertal 2004
D’Festbänk und Täschene send is Poschti iglade gsi und denne esch es ab is Schenkebergertal gange! Bes fascht fors Feschtzält semmer gfahre worde, dank em Ueli sinere Familie (Insider)! Zitigswördig hämmer denne euise FTV bi de Team-Aerobicvorfüerig aagfüüret. Iichecked hämmer denne im Hotel „Leder-Schneeberger zum Kirchuhrenblick“, s’Früehstück hämmer aber selber müesse metnäh!
Und scho esch es met euisem Wettkampf los gange! Euises Turnfestziel hämmer erreicht! Was denne au gebührend gfiiret worde esch!
Herausragende Persönlichkeiten
Sabrina, die Starke
Sie esch euisi Turnfestheldin. Trotz grosse Schmerze het sie die 3 Üebige met bravur gmeisteret!
Barbara, die Unterbringende
Sie het euis ehres Hüüsli zur Verfüegig gstellt! Dache nomol! Aber Vorsicht, wir kommen wieder!
Sarah, die Durstige
Euisi Sarah het alles gä bim Wettkampf, do het sie grosse Dorst öbercho und niemert het ehre Mineral welle verchaufe, nome Bier, Wii und Schnäps! Do esch es doch verständlech, das sie scho bevor ases taaget het, esch goge pfuse!
Irene, die Nie-da-Gewesene
Wo besch gsi? Mer hätte no en Feschtcharte und es z’Nacht!
Tanja und Sandra, die Brienzerinnen
Wer esch das blonde Hundi gsi, woner de ganz Obe debi gha händ? En treue Cheib, trotz klare Grenze! Also d’M&M’s müend sech kei Sorge mache!
Nadia, die Verliebte
Wenn mer ned uf de Wettkampfflächi gstande send, hämmer di vermisst! Wo besch au di ganz Ziit gsi?
Die Liste chönnti no beliebig wiitergfüert wärde. Aber mer händ au nochli euisi Gheimnis, au wenn mer die erscht im Bäre z’Böze erfahre händ! Lang bliibe lohnt sich!
Mer danke:
de Barbara fürd Unterkunft,
em Pfister Hans förs Umechoffiere,
em FTV, em TV, de Männerriege und de andere Fans förs Aafüüre,
em Bäre för de gspändeti Apéro,
de Männerriege för de sgspändeti Apéro (nei mer händ ned nome Apéro gha!),
em Vreni Erb för ehri Unterstötzig!
Nachdem de Brecht veröffentlicht worde esch stönd d’Sugu und d’Alex under Polizeischutz und send is Usland gflohe!
Ups fascht vergässe, mer send jo 2. worde i de 2. Stärkeklass! Mer send alles „g.... S.....“ und d’Hauptsach esch, mer händ 2 Täg VOLLgas gä!