Skiweekend DR/TV auf dem Stoos
Am 7.00 hämmer eus troffe, z' Böze ide Gnossi,
die wo ned metcho send bereuets, hoffi!
Ond scho gohts los met de Fahrt,
mer send nämli alli scho parat.
Vorem Reschti "Leue",
wo mer send go Gepfeli cheue,
merkt d'alex, sie het eri Tornschueh dehei vergässe,
das duet ere denn gar ned eso pässle.
S lotter Bärgbähndli esch schräg gsi wie nüt,
met voll Gas brengts eus uffe, voll is Züg.
Organisatorisch perfekt esch das Ganze aber gar ned gsi,
do nämtsch ehrlech gseit fascht gschiter no en wii.
"Chögi, leg mol die Elfiger Charte auf die Seidde,
do send d'Dimmenssione echli weidde!"
Denn send alli go fahre separat,
för d'Bar aber emmer parat.
So hämmer eus öpe weder troffe,
ond emmer weder eis zäme gsoffe.
Zom Zit ofem Sässellift z'vertriebe,
düent die ofem Stoos sones komischs Rätsel aneschriebe.
D' Babse duet sech vor luter Emotione
aber öberhaupt ned schone,
d'Lampe esch halt es bezeli voll,
deför send d' Skikönscht super toll.
Jetz werd bim Ässe no met Sache omegschosse,
de Räscht hämmer aber trotzdem gnosse.
E Gugge ond e gudde Musik händ gspelt,
tanzet ond ufgfalle semmer wie weld.
Spöter esches witer gange ide Bar,
das esch doch sönneli klar.
Die verschedenschte Sache send vorgfalle,
ond scho händ die erschte afo lalle.
Ufgfalle esch en Gugge i so doofe Pink Panter Kostüm,
die hätte mer am liebschte verbannt us allne Rüüm.
Eim vo denä Glön hämmer de Schwanz klaut,
ond am Schloss händs enand fascht no verhaut.
Mer händ alli gschloffe i eim Zemmer,
wie das zue ond här gange esch, weiss mer jo, so wie emmer.
Am Morge send ned alli erschene zom Ässe,
die händs so z'säge halt eifach vergässe.
De Sonntig het jede so verbrocht wiener grad het welle,
of jede Fall gäbts a derä Stell no vell z'verzelle.
S' ganze Weekend esch en super Sach gsi,
mer send of jede Fall nächscht Johr weder debi!
Nadia