Kreisturnfest Mülligen
Mer send Turnfestsieger schalalalala!!!!!!
Soscht esch nüt anders vorgfalle, es esch eifach heisssssssssss gsi… Nei seich, natürlech hämer no es bezeli tornet, aber nome es bezeli, keis Vollprogramm, nei, nei. Mer händ nämli eusi Barreüebig zeigt (8.97), eusi DR-Gymnastik (8.95) ond no en super präparierte Bikeparcour absolviert ond Hufise defo gschlüderet. Denn send di erschte fertig gsi ond go es chüels Bier trenke. För d'Gymnastikgroppe eschs grad witer gange, meteme ähnleche Programm. Nämli Cats (9.37(((Tageshöchschtnote)))), Ball (9.17) ond nomol Bike ond Hufise wärfe. Gschafft!
Ab onder Duschi, is Zält go ässe ond witer spörtle ofem Feschtbank. Banget ond planget hämer uf d'Ranglischte, wo den au ändli nach de super show em Feschtzält ghanget esch.
Wevelte semer? Wart chas ned rächt läse, es esch sou donkel, het öper es Fürzüg?
1. Böze, nei wart, doch DR Böze….KREISCH!!!!!!!!!!!!!!
Nachem 5. Mol noluege händs denn alli glaubt ond es esch losgange: KREISCH, SCHREI, OMARME, HÖGLE, BOLONAISE, OMESECKLE, NACHRECHT VERKÖNDE, LACHE, GRÖLE,… hei mer händ au no met de Gymnastikgroppe ide 2. Stärkeklass gwonne!! Ond es esch witer gange: KREISCH, SCHREI, BOLONAISE, TRENKE, THEKE-TANZ,SHAKE, POOL BADE,…
Bes in Morge esch gfiret worde, di meischte send aber doch no go lege nach dem stränge Tag.
Euse oder eusi Sieg hämer au bem Rangverläse ond z'Böze em Zenge noni rächt chönne realisiere, langsam chöne mer eus aber a de Gedanke gwöhne.
Am Mettwoch bem Brötle hämer das Wochenänd nomol lo ufläbe ond es händs den au di letschte kapiert, mer send TORNFESCHTSIEGER, schalalalala…